பலத்த காற்று மற்றும் கடல் கொந்தளிப்பு குறித்து வளிமண்டலவியல் திணைக்களம் விடுத்துள்ள எச்சரிக்கை!

வங்காள விரிகுடாவின் ஆழ்கடல் பகுதியில் பயணிக்கும் பலநாள் மீன்பிடி படகுகளுக்கு பலத்த காற்று மற்றும் கடல் கொந்தளிப்பு குறித்து வளிமண்டலவியல் திணைக்களம் எச்சரிக்கை அறிக்கை ஒன்றை வெளியிட்டுள்ளது. 

இதன்படி, இந்த எச்சரிக்கை இன்று (25.09.2026) இரவு 10.00 மணி வரை செல்லுபடியாகும் என அத்திணைக்களம் தெரிவித்துள்ளது. 

இந்தியாவின் தெற்கு ஒடிசா பிராந்தியத்தை அண்மித்து நிலவிய தாழமுக்கம், வடக்கு நோக்கி நகர்ந்து வடமேற்கு திசையில் பயணித்து குறைந்த காற்றழுத்த தாழ்வு பிரதேசமாக வலுவிழந்தது. 

இது அடுத்த 24 மணித்தியாலங்களில் மேலும் வடக்கு நோக்கி நகர்ந்து வடமேற்கு திசையில் பயணித்து படிப்படியாக மேலும் வலுவிழக்கக்கூடும் என வளிமண்டலவியல் திணைக்களம் சுட்டிக்காட்டியுள்ளது.

இச் செய்தியினை ஏனையவர்களுக்கும் பகிர….👇👇