இன்றைய வானிலை முன்னறிவிப்பு!

2026 ஆகஸ்ட் 21 ஆம் திகதிக்கான வானிலை முன்னறிவிப்பு 2026 ஆகஸ்ட் 21 அன்று காலை 05.30 மணிக்கு வெளியிடப்பட்டது.

மேல் மற்றும் சபரகமுவ மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களிலும் அவ்வப்போது மழை பெய்யக்கூடும்.

வடமேல் மாகாணத்தில் சில இடங்களில் மழை பெய்யக்கூடும்.

அம்பாறை, மொனராகலை மற்றும் மட்டக்களப்பு மாவட்டங்களில் பிற்பகல் 2.00 மணிக்குப் பிறகு சில இடங்களில் மழையோ அல்லது இடியுடன் கூடிய மழையோ பெய்யக்கூடும்.

தீவின் ஏனைய பகுதிகளில் பெரும்பாலும் வறண்ட வானிலை நிலவும்.

மத்திய மலைநாட்டின் மேற்குச் சரிவுகள், வடமத்திய மற்றும் வடமேல் மாகாணங்கள் மற்றும் மன்னார், திருகோணமலை, அம்பாந்தோட்டை மற்றும் மாத்தளை மாவட்டங்களில் அவ்வப்போது மணிக்கு 30-40 கி.மீ வேகத்தில் ஓரளவு பலத்த காற்று வீசக்கூடும்.

இடியுடன் கூடிய மழையின் போது ஏற்படும் தற்காலிகமான பலத்த காற்று மற்றும் மின்னலால் ஏற்படக்கூடிய பாதிப்புகளைக் குறைக்கத் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்கள் கேட்டுக்கொள்ளப்படுகிறார்கள்.

மழை நிலைமை:

கொழும்பு மற்றும் காலி வழியாக சிலாபம் முதல் மாத்தறை வரையிலான கடற்பகுதிகளில் சில இடங்களில் மழை பெய்யக்கூடும்.

காற்று:

காற்று மேற்கு அல்லது தென்மேற்கு திசையிலிருந்து வீசும். காற்றின் வேகம் மணிக்கு 30-40 கி.மீ. ஆக இருக்கும்.

மன்னார் வழியாக காங்கேசன்துறை முதல் சிலாபம் வரையிலும், அம்பாந்தோட்டை வழியாக மாத்தறை முதல் பொத்துவில் வரையிலும் உள்ள கடற்பகுதிகளில் காற்றின் வேகம் அவ்வப்போது மணிக்கு 50-60 கி.மீ. வரை அதிகரிக்கக்கூடும். தீவைச் சுற்றியுள்ள ஏனைய கடற்பகுதிகளில் காற்றின் வேகம் அவ்வப்போது மணிக்கு 45-50 கி.மீ. வரை அதிகரிக்கக்கூடும்.

கடல் நிலை:

மன்னார் வழியாக காங்கேசன்துறை முதல் சிலாபம் வரையிலும், அம்பாந்தோட்டை வழியாக மாத்தறை முதல் பொத்துவில் வரையிலும் உள்ள கடற்பகுதிகள் அவ்வப்போது கொந்தளிப்பாகக் காணப்படும். தீவைச் சுற்றியுள்ள ஏனைய கடற்பகுதிகள் அவ்வப்போது ஓரளவு கொந்தளிப்பாகக் காணப்படலாம்.

காலி மற்றும் மாத்தறை வழியாக சிலாபம் முதல் பொத்துவில் வரையிலான கடற்பகுதிகளில் அலைகளின் உயரம் சுமார் 2.5 – 3.0 மீட்டர் வரை அதிகரிக்கக்கூடும். காலி வழியாக பேருவளை முதல் மாத்தறை வரையிலான கரையோரப் பகுதிகளில், பெருங்கடல் அலைகளின் (swell waves) தாக்கத்தால் கடல் நீர்மட்டம் உயரும் நிலை ஏற்படலாம்.

மேற்கூறிய கடற்பகுதிகளில் நடவடிக்கைகளில் ஈடுபடும் கடற்படையினர் மற்றும் மீனவ சமூகத்தினரும், அக்குறிப்பிட்ட கரையோரப் பகுதிகளில் வசிக்கும் மக்களும் இது குறித்து விழிப்புடன் இருக்குமாறு அறிவுறுத்தப்படுகிறார்கள்.

(வளிமண்டலவியல் திணைக்களம்)

இச் செய்தியினை ஏனையவர்களுக்கும் பகிர…👇👇